Qırımda ve esas Ukrayinada iyünniñ 26-nda Qırımtatar bayraq künü qayd etile. Qırımtatar Milliy Meclisiniñ reisi Refat Çubarov Bayraq künü munasebetinen semetdeşlerini hayırladı.
«Bugün qırımtatar bayrağı – Qırımnıñ Ukrayinanen bir olğanınıñ timsalidir. İç şübhe yoq ki, qırımtatar askerleri de olğan Ukrayina Telükesizlik ve Mudafaa quvetleriniñ cesür askerleri sayesinde, qırımtatar bayrağı bütün Qırımda Ukrayina devlet bayrağınıñ yanında mustaqil demokratik Ukrayian devleti erkânında qırımtatar muhtar cumhuriyetiniñ timsali olaraq dalğalanacaq. Qırımtatar Milliy Meclisi adından bütün setdeşlerimizni ve vatandaşlarımıznı Qırımtatar bayraq kününen hayırlaymız!», – dep aytıla Meclisniñ içtimaiy ağlardaki saifelerinde.
Altın tamğalı kök bayraq 1917 cenesi Birinci Qırımtatar Milliy Qurultayında qırımtatar bayrağı olaraq qabul etildi.
Altın tamğalı kök bayraq. Qırımtatar bayrağı 1917 senesinden künümizge qadar (fotoresimler)
2010 senesinden berli bayraq künü qayd etile. Yarımadada peyda olğan anane bugün esas Ukrayinada da devam ete. 2014 senesinden soñ Qırımda qırımtatar bayrağı Rusiye istilâsına qarşı tirenüv ve kimligini kösterüv usulı oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
